Ab Kahaan Woh Bahaar Phoolon Ki

Ab Kahaan Woh Bahaar Phoolon Ki

Chandni Raat Ko Saher Kehna,
Dosto Yoon Nahi, Magar Kehna,

Ab Kahaan Woh Bahaar Phoolon Ki,
Gul-e-Nargis Ko Chashm-e-Tar Kehna,

Bujh Chuke Hain MUhabbaton Kay Charagh,
In Diyaaron Ko Ab Khandar Kehna,

Raah Mein Lutt Kay Baythne Waalo,
Ab Kisi Ko Na Humsafar Kehna,

Khud Ujaagar Karo Hunar Apna,
Dosron Ko Na Kam Nazar Kehna,

Hum Ko Awaargi Kay Parde Mein,
Dil Ki Baaten Edhar Udhar kehna,

Zikar Teraa Gali Gali Karna
Haal Apna Nagar Nagar kehna,

Ab Goya Azaab-e-Jaan Hai “Faraz”
Jo Bhi Kehna Ho Soch Kar kehna,